Ndonëse ishte në disavantazh prej një goli prej minutës së 10-të kur për Francën shënoi Michael Olise, Italia u kthye dhe fitoi bindshëm, 3:1.
Me fitoren e realizuar të enjten mbrëma në “San Siro”, Italia ka dalë e para në Grupin A1 të Ligës së Kombeve, ndonëse me pikë të njëjta.
Italia dhe Franca kanë nga dhjetë pikë. Belgjika e treta i ka nëntë pikë, ndërsa pa pikë është Turqia në vendin e fundit.
Golin për 1:1 e shënoi Francesco Pio Esposito në minutën e 26-të. Sebastiano Esposito, vëllai i Pios, e humbi penalltinë në minutën e 60-të.
Por vetëm tre minuta më vonë, Davide Frattesi shënoi për 2:1. Francesco Esposito realizoi tjetër gol për 3:1, në minutën e 75-të.
Në këtë ndeshje te Franca mungoi Kylian Mbappe. Belgjika – Italia dhe Franca – Turqia janë dy ndeshjet e fundit të këtij grupi.