Në fillim të korrikut, Drilon Islami kaloi te Cluji rumun nga Prishtina. Mesfushorit i përfundoi kontrata me Prishtinën dhe kalimi te Cluji u vlerësua hap i madh për karrierën e tij.
Por 25-vjeçari nuk ka debutuar ende për CFR Cluj. Dhe mund të largohet ende pa debutuar, shkruan “fanatik.ro”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIslami nuk bën pjesë në planet e trajnerit Dan Petrescu, ndonëse ai e transferoi pas paraqitjeve të mira me Prishtinën.
Sipas mediumit rumun, ish-kapiteni i Prishtinës pritet të përfundojë te Ballkani i Suharekës. Cluji e Ballkani kanë bashkëpunuar shumë në vitet e fundit. Disa lojtarë kaluan nga Ballkani te Cluji, ndërsa Islami pritet të lëvizë në drejtim të kundër. Mediat rumune shkruajnë se mesfushori nuk është në mesin e lojtarëve në të cilët llogarit Cluji. Madje ai më nuk figuron as në mesin e lojtarëve të prezantuar në faqen zyrtare të klubit.