Feyenoordi është duke e befasuar Bayern Munichun në pjesën e parë të ndeshjes së xhiros së shtatë të Ligës së Kampionëve.
Feyenoordi në stadiumin “De Kuip” në Rotterdam, para tifozëve të zjarrtë, është duke fituar 2:0. Golin në minutën e 21-të për vendësit e shënoi Santiago Tomas Gimenez.
Sulmuesi meksikan ishte i saktë edhe nga penalltia për 2:0, në minutën e dhjetë shtesë të pjesës së parë.
Ky ballafaqim u shty për pak minuta pasi nisi, për shkak të ndezjes së fishekzjarrëve të shumtë nga tifozët e Feyenoordit.
Bayerni pëson humbje të rëndë në Holandë
Bayerni ka pësuar tri gola për humbje të thellë nga Feyenoordi në Holandë.
Ndeshja e së mërkurës mbrëma i takoi xhiros së shtatë të Championsit dhe përfundoi 3:0 për Feyenoordin vendas.
Me fitore, Feyenoordi doli në vendin e 11-të të Championsit me 13 pikë. Bayerni ka rënë në vendin e 15-të me 12 pikë.
Santiago Gimenez shënoi dy gola në pjesën e parë. Ai realizoi fillimisht në minutën e 21-të e më pas në minutën e nëntë shtesë.
Fare në fund, në minutën e 89-të, gol për ekipin holandez realizoi Ayase Ueda, për 3:0.
