Trajneri i Comos, Cesc Fabregas, dëshiron që ta mbajë Nico Pazin në skuadër edhe për edicionin e ardhshëm.
Paz ka shkëlqyer te Como në sezonin 2025/26. Como arriti të kualifikohet në Ligën e Kampionëve pasi e mbylli kampionatin në Serie A në pozitën e katërt me 71 pikë. Ishte një arritje shumë e madhe për Comon.
Reprezentuesi i Argjentinës, Paz, u transferua te Como në vitin 2024 nga Real Madridi.
Klubi italian pagoi rreth 6 milionë euro për 50 për qind të kartonit të Pazit.
Klubi mbretëror, nëse dëshiron që ta kthejë në Madrir Pazin duhet të paguajë 9 milionë euro. Ka raportime se Reali dëshiron ta kthejë në ekip 21-vjeçarin.
Edhe
Nico Paz nuk do të kthehet te Reali
“Kemi pasur një takim të gjatë me pesidentin dhe drejtorin. Po krijojmë një mentalitet. Tani e tutje, fillojmë përgatitjet për një sezon të ri, të vështirë dhe të ndryshëm. Paz është lojtar shumë i rëndësishëm për rritjen tonë. Ne jemi rritur me të dhe ai është rritur me ne. Ne duam që ai të qëndrojë”, ka thënë 39-vjeçari Fabregas.
Mesfushori me tipare sulmuese në 40 ndeshje kontribuoi me 13 gola dhe tetë asistime.
