Sulmuesi Mirlind Daku ka folur për golin e parë të shënuar me fanellën e Spartak Moskës. Ai premton të tjera gola për klubin rus.
“Goli i parë do të thotë shumë. Duhet të vazhdojmë të punojmë”, ka thënë Daku për Match TV.
Daku të dielën realizoi golin e parë për Spartakun. Ai shënoi nga penalltia në barazimin 1:1 ndaj Orenburgut.
Daku i është mirënjohës Pablo Solarit që ia lejoi penalltinë.
Daku me fanellën e Spartakut ka edhe një asistim, ndërsa këtë edicion ka shënuar edhe dy gola me fanellën e Rubin Kazanit.