Uran Bislimi ka ndaluar një përleshje të mundshme që do të shkaktonte skandal të madh te skuadra e Luganos në miqësoren ndaj Viktoria Plzenit.
Në minutën e 72-të, sulmuesi gjerman Kevin Behrens, e shtyu dhe e rrëzoi në tokë bashkëlojtarin grek, Georgios Koutsias, e më pas i bërtiti duke i thënë që të rrinte i qetë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo34-vjeçari Behrens ishte duke vrapuar pas topit, duke bërë presing në mbrojtjen kundërshtare. Për një moment, u kthye me shpejtësi nga sulmuesi tjetër Koutsias.
“Ku është problemi”, është dëgjuar duke bërtitur Behrens në gjuhën angleze.
Më pas ishte mesfushori Bislimi që i ndau dy futbollistët, teksa Koutsias ishte në tokë.
Behrens nuk u ndëshkua me kartonë, edhe pse veprimi i tij i dhunshëm zakonisht ndëshkohet me të kuq.
Ndeshja përfundoi me fitore 4:2 të skuadrës çeke.
Klubi zviceran pas ndeshjes tha se do të merren masa disiplinore për të dy lojtarët e përfshirë.