Është vetëm në klasën e dytë të shkollës së muzikës “Tefta Tashko” në Mitrovicë. Instrumenti të cilin e mëson është trumbeta.
11-vjeçarja, Tuana Boshnjaku thotë se përzgjedhja e këtij instrumenti ishte rastësi. Ajo çdoherë e donte violinën, por me t’u njoftuar me trumbetën ushtrimet i filloi tërë përkushtim.
Vepra të cilën e luan me më së shumti dëshirë është “Nga bota e re”, me të cilën ka marrë pjesë edhe në koncertin e organizuar nga Komuna e Mitrovicës për nder të 15-vjetorit të pavarësisë. Emocionet në ato momente dhe secilin moment që luan në trumbetë mezi i përshkruan me fjalë. Thotë se është pjesa më e mirë e ditës për të.
Mbështetjen më të madhe për të vazhduar ushtrimet për këtë instrument, thotë se e ka nga familja dhe mësuesi i saj. Boshnjaku është e vetmja vajzë si nxënëse në trumbetë në shkollën e muzikës “Tefta Tashko”. Këtë e thotë me mburrje. Teksa tregon për orarin e ushtrimeve, duke e theksuar se sa të rëndësishme janë ato për avancim.
Në hapësirën e Muzeut të Mitrovicës, Tuana luajti veprat më të dashura për të, ndër to edhe himnin e Kosovës.
-
“Arti në shkolla” mësim për tingullin, personazhin e imagjinatën muzikore
-
Nxënësit e shkollës së muzikës ndërtojnë instrumente muzikore nga materialet
-
Jetësohet ëndrra e mësueses Trendelina Berisha, përurohet “teatri i kukullave”
-
Violisti virtuoz dhe muzika si terapi
-
“Xhamadani vija-vija” – e kënduar nga Ornela Mehana