Hingëllimat dhe trokitjet e patkonjve dëgjohen prej së largu. Në Zatra, periferi e Pejës, prej nga e sheh rrafshin e Dukagjinit si në pëllëmbë të dorës, takojmë një djalë të ri, shumë punëtor, me një pasion të veçantë për kalërimin.
Ai është Plator Gashi.
Ai kujton se si i vogël e kishte lëmuar me kujdes një kali, e kishte kapur për flokë, dhe ngadalë ishte ngjitur mbi të. Që atëherë, pasioni për kalërim dhe dashuria për këtë kafshë nuk kishin ndaluar as edhe një moment.
Platori, tash e sa vite, bashkë me kushërirën Evgenën, që është vetëm 12 vjeçe, kujdesen për kuajt. Ata i bëjnë thirrje secilit që ka mundësi që ta provojë një herë kalërimin.
Vetë kali kujdeset për ty kur i gjendesh sipër, thotë Platori.
