Ombrellat e dekorimet e tjera shumëngjyrëshe u kanë dhënë hijeshi shesheve të Prishtinës. E kjo ndihet edhe më shumë me rastin e festave, si kjo e Bajramit.
E vizitat te familjarët për të uruar festën disa veçse i kanë kryer.
“Bajrami po shkon shumë mirë, me familje po e festojmë, kaluam shumë mirë”, ka thënë Agim Mehmeti.
“Edhe në Preshevë e festojnë shumë mirë, e urojnë mes vete familjet”.
Ndërkaq, qytetari nga Tirana i cili Bajramin kësaj radhe po e pret në Prishtinë, thotë se mënyra e festimit nuk ka shumë dallime.
“Është njësoj, shumë mirë, qetë. Nuk ka shumë njerëz nëpër rrugë janë nëpër shtëpi duke festuar”, ka thënë një tjetër qytetar.
E ka të atillë që kanë dëshira të veçanta për festa.
“Isha duke shkuar te dajtë, mirëpo personalisht do ta doja ta festoja Bajramin me dikë, e kam pasur një simpati më parë e do të doja të isha në Shqipëri me të”, është shprehur Betim Kryeziu.
“Dëshira ime për Bajramin e ardhshëm është të jem me atë vajzën”.
Pavarësisht që gjatë ditës sheshet e qyteteve nuk janë edhe aq të mbushura, natën festimet vazhdojnë dhe ndihet një gjallëri feste.
