-
Nga:
Gili Hoxhaj
- 7 tetor 2020 01:53
- Shpërndaje në:
“Pusho Shqip” është slogani i sezonit turistik të këtij viti. “Deti dhe malet janë të çdo shqiptari, t’i shndërrojmë në destinacion në rajon”, është thirrja për vazhdimin e turizmit mes Kosovës e Shqipërisë.
Megjithëse një vit i vështirë për turizmin për shkak të pandemisë, shqiptarët e Kosovës edhe këtë vit patën cak Shqipërinë për t’i kaluar pushimet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë shenjë mirënjohjeje, Ministria e Turizmit e Shqipërisë organizoi në Prishtinë eventin “pusho shqip”, me pjesëmarrjen e agjencive turistike të të dyja vendeve.
Ministri i Turizmit dhe Mjedisit, Blendi Klosi, ka vlerësuar kontributin e lartë të shqiptarëve nga Kosova që kanë dhënë për zhvillimin e turizmit në Shqipëri.
Në ceremoninë “Faleminderit Kosovë”, të mbajtur në Prishtinë, Klosi ka thënë se kur kishin nevojë për turizmin shqiptarët e Kosovës ishin aty.
Përfaqësuesit e turizmit nga Kosova dhe Shqipëria nga Brodi i Dragashit kanë hapur sezonin turistik vjeshtë-dimër, duke thënë se turet me alpinistë do të vazhdojnë.
Zëvendëskryeministri i Kosovës, Besnik Tahiri, tha se afërsia mes Kosovës e Shqipërisë është dëshmuar pikërisht në këtë kohë.
Nga 575.5 mijë vizitorë të huaj sa pati Shqipëria gjatë pandemisë, pjesa më e madhe, rreth 356 mijë ishin kosovarë.