Mes Shqipërisë dhe Italisë filloi jeta e Violetës dhe fizarmonikës së saj.
Para 22 viteve, kur ajo jetonte në Shqipëri, në kohë të vështira, arriti të bëhej mësuese e muzikës dhe të ligjëronte në zona të vështira madje edhe për të shkuar e lëre më për t'u zhvilluar mësimi.
Kështu, Violeta Ibrahimi në një intervistë për Express të KTV-së tha se e mësoi sesa e rëndësishme ishte muzika për të.
Por, jo më e rëndësishme sesa të kishte bukë në shtëpi.
Kështu ajo vendosi që pjesën tjetër të jetës ta kaloj në Itali, një qytezë të vogël në të cilën ajo e gjeti lumturinë.
Ajo arriti që të punoj dhe me punën e saj të mbajë familjen në Shqipëri.
Fizarmonika është partneri i cili nuk iu nda asnjëherë nga krahu.
Ndonëse, vite më parë ajo punonte tërë javën që ta paguante qiranë për të.
Sot, sytë e Violetës janë plotë jetë, meqë ka arritur që me mundin e saj të mbajë familjen në Shqipëri dhe në të njëjtën kohë mos të heq dorë nga ëndrra e saj - fizarmonika.
