Futbollistët angazhohen të jenë me peshë më të vogël dhe të zhdërvjellët për të përmbushur kërkesat e lojës me ritëm të lartë. Kështu që sulmuesi hungarez, Martin Adam nuk habitet kur sheh “meme” në rrjetet sociale për shtatin e tij gjigant. Por disa e teprojnë me tentimin për tallje.
Adam hyri si zëvendësues në humbjen 3:1 të Hungarisë nga Zvicra në Koeln. Fotografitë e tij u bënë shumë të shpërndara në rrjetet sociale, për shkak të trupit dhe peshës prej rreth 86 kilogramë.
Sulmuesi i Ulsan Hyundai e mbanë kokën të rruar dhe një mjekërr. Kjo ia siguroi pseudonimin “Vikingu hungarez”.
“Postimet? Natyrisht, disa prej tyre vijnë tek unë. Zakonisht qesh me to”, tha 29-vjeçari në një konferencë për shtyp në bazën e Hungarisë në Gjermani.
“Kam lindur në këtë mënyrë, kam këtë formë trupore. Nuk po them se isha i madh kur kam lindur, por kam këtë fizik. Ka të bëj me gjenetikën, nuk mund ta ndryshoj”, ka shtuar sulmuesi hungarez.
Megjithatë shumica e postimeve janë pozitive. Adami u bë shpejt i preferuar i tifozëve pas paraqitjes së shkurtër në ndeshjen e parë.
Tifozët e Hungarisë do të shpresojnë që lojtari me numër 9 të ofrojë gola në ndeshjen e radhës, të mërkurën ndaj Gjermanisë. Hungarisë i duhen pikët për të shpresuar në kalim të grupit.
