Xherdan Shaqiri iu bashkua Përfaqësueses së Zvicrës në kampin stërvitor të mërkurën, ndërsa të enjten stërviti për herën e parë me grupin.
Shaqiri 32-vjeçar pati problem muskulor në fillim të javës.
Shaqiri ishte i pranishëm por munguan Nico Elvedi, Fabian Schar, Vincent Sierro, Ruben Vargas, Silvan Widmer dhe Steven Zuber. Ata kishin pushim për shkak të ngarkesave.
Nga e premtja, Përfaqësuesja e Zvicrës pritet ta marrë formën e plotë.
Treshja kampione e ligave të mëdha evropiane, Granit Xhaka me Leverkusenin, Manuel Akanji me Manchester Cityn dhe Yann Sommer me Interin, do të arrijnë në Abtëil.
Pritet edhe rikthimi i treshes së Bolognas, Michel Aebischer, Remo Freuler dhe Dan Ndoye, si dhe Ricardo Rodriguez i Torinos dhe Yvon Mvogo i Lorienit.
Të pranishmit në stërvitje të enjten dhanë edhe autografe për të pranishmit.
