Selektori i Austrisë, Ralf Rangnick nuk e ka përfshirë mbrojtësin Stefan Lainer në ekipin final prej 26 lojtarëve që do të paraqiten në Euro 2024. Lainer kishte luajtur në të gjitha katër ndeshjet e austriakëve në Evropianin e kaluar dhe kishte shënuar një gol.
Por anëtari i Borussia Moenchengladbachut ishte njëri prej tre lojtarëve që mbetën jashtë listës finale. Portieri Tobias Lawal dhe mesfushori Thierno Ballo janë dy të tjerët të larguar.
“Nuk ishte vendim i lehtë për mua. Ishte e rëndësishme për mua t’ua shpjegoj motivet të tre lojtarëve në bisedime me secilin prej tyre”, ka thënë Rangnick.