Nicolo Barella ka folur për entuziazmin te Italia pas fitores 3:0 ndaj Zvicrës. Sipas tij, në ekipin italian nuk ka xhelozi dhe kjo ka ndikim.
Për Italinë ishte fitorja e dhjetë rresht pa gol të pranuar. Dy gola i shënoi Manuel Locatelli, ndërsa një e shtoi Ciro Immobile.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk mendoj se ka sekrete në suksesin tonë. Ju mund të shihni që në këtë grup ka unitet dhe entuziazëm, brenda dhe jashtë fushës. Ne e bartim këtë në lojë, kështu që po fitojmë dhe po jemi bindëse”, ka thënë Barella, që asistoi në golin e dytë.
“Gjithnjë kam thënë se uniteti është çdo gjë në këtë grup. Nuk ka rëndësi kush luan, ne të gjithë sjellim shpirtin e njëjtë dhe japim kontributin tonë. Nuk ka xhelozi, nuk ka zili profesionale mes nesh”, ka shtuar Barella.
Locatelli shënoi dy gola, Jorginho gjuan penalltitë, por Barella nuk ndihet i lënë anash.
“Unë vetëm mundohem ta ndihmoj ekipin dhe jam i lumtur, pavarësisht kush shënon. Nuk më duhen golat që të ndihem i lumtur”.
Barella ka thënë se dëshirojnë fitore të njëjtë edhe ndaj Uellsit. Sipas tij mentaliteti i Italisë është që të fitojë.
“Ne po ndihemi të sigurt dhe duam të kalojmë grupin me tri fitore”.