Sulmuesi i Bregut të Fildishtë, Elye Wahi, i cili po hetohet për dyshime për manipulim ndeshjesh, nuk është lejuar të udhëtojë për në Kanada për ndeshjen e radhës të ekipit të tij në Kupën e Botës kundër Gjermanisë.
Njoftimin e ka bërë të ditur të enjten Federata e Futbollit e Bregut të Fildishtë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBregu i Fildishtë do të përballet me Gjermaninë të shtunën në Tortonto.
Federata tha se Wahi, nuk do të mund të udhëtojë me skuadrën, sepse “leja e nevojshme administrative për hyrjen e tij në territorin kanadez nuk mund të merret në këtë fazë”.
Whai u paraqit në sulm për Bregun e Fildishtë në fitoren ndaj Ekuadorit 1:0 në ndeshjen e parë të luajtur të hënën. Ai do të mbetet në Shtetet e Bashkuara të Amerikës në pritje të kthimit të ekipit, bëri të ditur Federata.
Liga franceze e futbollit tha të mërkurën se një “sasi e pazakontë bastesh” u vendosën ndërkombëtarisht për Wahin që të merrte karton të verdhë në ndeshjen e Ligue 1 kundër Nice në maj.
Liga franceze u njoftua nga partnerët që monitorojnë tregjet e basteve në lidhje me aktivitetin e dyshimtë të basteve në nivel ndërkombëtar në lidhje me ndeshjen në shtëpi të Nice kundër Metz më 17 maj, e cila përfundoi 0:0, dhe në të cilën Wahi u ndëshkua me karton të verdhë.
Liga franceze tha se ia kaloi këtë informacion autoriteteve përkatëse të policisë dhe të lojërave të fatit, si dhe Federatës Franceze të Futbollit.
E pyetur nëse Wahi është marrë në pyetje nga policia, zyra e prokurorit të Marseillet i tha agjencisë së lajmeve “Associated Press” se “një lojtar profesionist futbolli 23-vjeçar, që garonte në kampionatin francez të Ligue 1, u arrestua më 29 maj 2026, si pjesë e hetimit”.
Zyra shtoi se “hetimi ka të bëjë me vepra të dyshuara penale të mashtrimit të organizuar, korrupsionit të organizuar sportiv, pranimit të mallrave të vjedhura dhe pastrimit të parave”.
Lojtari u mor në pyetje ndërsa ishte në paraburgim dhe u lirua pa u ndaluar. Zyra shtoi se hetimi ishte duke vazhduar.
Përfaqësuesit e Wahit nuk iu përgjigjën menjëherë kërkesave për koment.