Franca nuk i frikësohet Spanjës për gjysmëfinalen e Kupës së Botës që zhvillohet të martën nga ora 21:00.
Kështu ka thënë mbrojtësi Ibrahima Konate të dielën.
Por, Konate ka theksuar se është i vetëdijshëm për kualitetin që e ka Spanja dhe mbrojtjen thuajse të përkryer.
Spanja ka pësuar vetëm një gol në gjithë turneun. Është në kërkim të trofeut të dytë të Kupës së Botës.
Franca, fituese e vitit 2018 dhe finaliste e para katër vjetëve, e njeh Spanjën mirë, pasi është mposhtur nga ajo në gjysmëfinale të “Euro 2024”. Ka humbur edhe në gjysmëfinale të Ligës së Kombeve në vitin e kaluar.
Edhe
Konate: Franca nuk ka frikë nga Spanja
“Nuk mund t’i frikësohesh askujt”, ka thënë qendërmbrojtësi francez, Konate, në konferencën për shtyp. “Ne do të përgatitemi sa më mirë të jetë e mundur dhe shpresoj që rezultati në fund do të jetë në favorin tonë”.
“Spanja ka ekip të jashtëzakonshëm, me shumë kualitet individual, kështu që nuk do të fokusohemi vetëm te një lojtar, edhe pse Lamine është lojtar i madh”, ka shtuar Konate. Konate luajti pak si zëvendësues në fitoren ndaj Norvegjisë, në ndeshjen e fundit të fazës grupore.
Dayot Upamecano dhe William Saliba kanë qenë titullarë të qendrës së mbrojtjes te Franca, me favoriten e turneut që e kërkon finalen e pestë të Kupës së Botës.
Franca ka arritur në gjysmëfinale në katër prej shtatë turneve të fundit të Botërorëve. Nëse do të jetë pjesëmarrëse në finale më 19 korrikut në New York, do të krahasohet me Gjermaninë Perëndimore, që ka katër finale mes viteve 1974 dhe 1990.
Por, Konate ka thënë se Franca nuk po humb kohë për të menduar se çfarë mund të ndodhë.
Edhe
Spanja mbështetet në mesfushën cilësore
“Ne jemi kokulur dhe nuk do të biem në një grackë të tillë”, ka thënë ai.
Franca duhet ta gjejë rrugën për ta shpartalluar mbrojtjen më stabile të Kupës së Botës si dhe t’i ruajë sa më shumë që është e mundur vrapimet e Lamines në krah.
“Nuk do të thoja ‘frikë’, por ne jemi të vetëdijshëm për kualitetin e kundërshtarit”, ka theksuar qendërmbrojtësi Maxence Lacroix.
“Spanjollët i fituan të gjitha ndeshjet, përveç barazimit 0:0 ndaj Kepit të Gjelbër në grupe, kështu që e respektojmë Spanjën. Spanja ka kualitet por ne duam të fitojmë”.
Edhe
Franca lë pas të kaluarën për gjysmëfinalen ndaj Spanjës
Në krye të listës së Spanjës është Lamine, që është përgjegjës nga trajneri i tij, pasi i mban mbrojtësit kundërshtarë të zënë, ndërsa krijon hapësira për bashkëlojtarët.
“Ne do të mbrohemi mirë, më së miri”, ka thënë Lacroix. “Lamine është lojtar shumë i mirë dhe e ka treguar se mund t’i ndëshkojë kundërshtarët në këtë Kupë të Botës. Ne do ta bëjmë punën që është e nevojshme”.
