Selektori i Francës, Didier Deschamps, pritet t’i besojë sërish Desire Doues për vend në formacionin startues për gjysmëfinalen e Kupës së Botës kundër Spanjës.
Deschamps nuk pritet të bëjë shumë ndryshime, pasi dëshiron të ruajë formacionin që mposhti Marokun në çerekfinale.
Aurelien Tchouameni, i cili ishte në stol në ndeshjen e fundit, ka gjasa të kthehet në formacionin bazë, shkruajnë të dielën mediumet franceze.
Rikthimi i Tchouamenit mund të bëjë që Manu Kone ta humbë vendin në mesfushë.
Tchouameni kishte probleme më lëndim dhe nuk ishte i gatshëm të startonte ndaj Marokut.
Sulmuesi i Paris Saint-Germainit, Doue, bëri asistim në fitoren ndaj Marokut.
Edhe
Deschamps tregon “sekretin” e dominimit të Francës
Në tri prej ndeshjeve të deritashme të Francës në Kupën e Botës, Doue u inkuadrua në pjesën e dytë. Në vend të 21-vjeçarit, Deschamps i besonte sulmuesit tjetër të PSG-së, Bradley Barcola.
Gjysmëfinalja mes Francës dhe Spanjës luhet të martën nga ora 21:00.
