Lojtarët e Anglisë do të përdorin pajisje të veçanta teknologjike në Shtetet e Bashkuara të Amerikës për t’i përballuar temperaturat e larta gjatë Kupës së Botës.
Në Botërorin 2026, temperaturat dhe lagështia pritet të jenë të mëdha.
Kjo mund të ndikojë edhe në paraqitjen e futbollistëve në fushën e lojës. Gjatë Kupës së Botës të paktën një e treta e ndeshjeve do të luhen në temperatura mbi 26 gradë Celsius.
Të martën, temperatura gjatë seancës stërvitore të Anglisë mbërriti deri në 32 gradë Celsius në Florida.
Teknologjia e ftohjes, që mbahet në pëllëmbën e dorës, po bëhet shumë e përhapur te sportistët. Lojtarët e Manchester Unitedit e përdorin këtë teknologji po ashtu.
Hulumtimet tregojnë se ftohja e pëllëmbës së duarve mund ta ulë temperaturën në trup dhe është shumë e mirë për rikuperim para ndeshjeve.
Kjo ndikon edhe në paraqitje më të mirë.
Edhe
A mund të pezullohet ndeshja Angli - Argjentinë?
Anglia do ta përdorë teknologjinë në seancat stërvitore dhe gjatë pushimeve për t’u freskuar në ndeshjet e Botërorit.
Anglia luan miqësore me Zelandën e Re dhe Kosta Rikën të shtunën dhe të mërkurën e ardhshme.
Më pas e nis kampanjën në Botëror kundër Kroacisë më 17 qershor. Në grup janë edhe Gana dhe Panamaja.
