Përzgjedhësi i Gjermanisë, Joachim Low, ka thënë se kombëtarja që ai udhëheq e meritoi të eliminohej nga Kupa e Botës, pas humbjes nga Koreja Jugore të mërkurën.
Fitorja do të mjaftonte që Gjermania të kalonte në mesin e 16 më të mirëve në botë, por dy gola në kohën shtesë i dhanë fitoren e famshme Koresë.
Humbja nënkupton që Gjermania eliminohet vetëm për herë të dytë nga faza e grupeve në Botëror.
“Për momentin është e vështirë të themi pse jemi eliminuar. Zhgënjimi është tejet i madh. Nuk e merituam të fitonim sërish Botërorin, nuk e merituam të kalonim tutje”, ka thënë ai pas takimit.
58-vjeçari ka thënë se ekipi nuk pati dinamikë të mirë të lojës dhe me meritë u eliminua.
Humbja 2 me 0 bëri që Gjermania të mbyllte si e fundit Grupin F.
Artikuj të ngjashëm