Zjarrfikësit në Oregon po luftojnë për ta shpëtuar një prej pemëve më të larta dhe më të vjetra në botë - atë që njihet me emrin “Doerner” - nga një zjarr që ka nisur nga e shtuna.
Bredhi gjigant, mbi 99 metra dhe mbi 450-vjeçar, tashmë ka humbur një pjesë të tij të vogël nga zjarri dhe ai mund ta rrezikojë më tej, raportoi BBC.
Me motin e nxehtë dhe të thatë në Oregon, zjarrfikësit po përballen me vështirësi që ta shuajnë zjarrin.
Zyrtarët kanë dhënë opsione të pazakonta për të shuar zjarrin, përfshirë ndërtimin e skelave për të arritur dhe shuar flakët lart pishës.
Nuk dihet se si ka nisur zjarri. Zyrtarët kanë thënë se pavarësisht vështirësive, nuk ka rrezik që bredhi të digjet krejtësisht.