Presidenti ukrainas Volodymyr Zelensky, ka nënshkruar dekrete për të zgjatur ligjin ushtarak dhe mobilizimin masiv për 90 ditë të tjera në vend, duke filluar nga 25 maji.
Dokumentet janë dorëzuar në parlamentin ukrainas dhe duhet të miratohen nga të paktën gjysma e ligjvënësve, raportoi BBC-ja të mërkurën.
Ligji ushtarak u zbatua në vend më 24 shkurt, ditën kur Rusia nisi pushtimin e Ukrainës. Periudha fillestare prej 30 ditësh është zgjatur dy herë deri më tash.
Dekreti i parë i Zelenskyt për mobilizimin masiv ishte për 90 ditë dhe zbatohej në të gjitha rajonet e vendit.
Javën e kaluar, ministri i Mbrojtjes i Ukrainës, Oleksiy Reznikov tha se shpreson të armatosë një milion luftëtarë, ndërsa vendi përgatitet për një "fazë të re, të gjatë lufte".
-
Zelensky nënshkruan ligjin e ri të mobilizimit ushtarak
-
Zelensky thotë se është gati për zgjedhje dhe kërkon ndihmë për t'i siguruar
-
Zelensky: Rusia po përgatitet për ofensivë të re ushtarake
-
Parlamenti i Ukrainës miraton zgjatjen e ligjit ushtarak
-
Zelensky kërkon sërish leje për përdorimin e armëve me rreze të gjata për sulme brenda Rusisë