Presidenti i Ukrainës, Volodymyr Zelensky, ka akuzuar Kremlinin për "terrorizëm energjetik".
Siç raporton BBC-ja, Zelensky ka thënë se 4.5 milionë njerëz kanë mbetur pa energji elektrike, pas sulmeve ruse në rrjetin e saj të energjisë.
Në javët e fundit, Rusia ka kryer sulme me raketa dhe dronë në shkallë të gjerë ndaj strukturave energjetike ukrainase.
Pasi pësoi një seri humbjesh në fushën e betejës, Rusia ka rritur sulmet në javët e fundit ndaj infrastrukturës energjetike në qytetet larg vijave të frontit.
Sipas Zelenskyt, vetëm në muajin e fundit një e treta e centraleve energjetike të vendit, janë shkatërruar.
Si rezultat i kësaj, Qeveria ukrainase është detyruar t'i kërkojë popullsisë të përpiqet të kursejë energji.
Edhe
Zelensky akuzon Rusinë për “terrorizëm energjetik”
"Sonte, rreth 4.5 milionë konsumatorë janë shkëputur përkohësisht nga konsumi i energjisë," ka thënë Zelensky në fjalimin e tij, mbrëmjen e së enjten.
Ai tha se sulmet në infrastrukturën energjetike, tregojnë "dobësinë" e Rusisë, pasi forcat e saj nuk po arrijnë të dominojnë në vijën e frontit.
