Presidenti ukrainas Volodymyr Zelensky është përfshirë në një aksident me veturë, ka zbuluar zëdhënësi i tij, shkruan BBC.
Një veturë pasagjerësh u përplas me automjetin presidencial dhe eskortën e tij në kryeqytetin Kiev, ka thënë Sergi Nykyforov në një deklaratë të shkurtër.
“Presidenti u kontrollua nga një mjek, nuk u konstatuan lëndime serioze”, shtoi ai.
Drejtuesi i veturës që u përplas me autokolonën është marrë në mjekim në vendngjarje dhe është larguar me autoambulancë.
Nykyforov deklaroi se të gjitha rrethanat e aksidentit të trafikut po hetoheshin nga oficerët e zbatimit të ligjit. Ai nuk dha detaje të tjera.
Aksidenti erdhi pasi Zelensky, 44 vjeç, vizitoi të mërkurën qytetin e rimarrë nga Rusia të Izyumit, një qendër kryesore logjistike në Ukrainën verilindore.
Edhe
Pas protestave, Zelensky shkarkon komandantin e përgjithshëm të ushtrisë ukrainase
Ai falënderoi trupat që morën pjesë në një kundërsulm të shpejtë kundër pushtuesve rusë dhe mbikëqyri një ceremoni të ngritjes së flamurit.
Ditët e fundit, ushtria e Ukrainës ka rimarrë pjesë të territorit të pushtuar, duke i detyruar trupat ruse të tërhiqen.
