Departamenti amerikan i Drejtësisë njoftoi të enjten atë që e cilësoi si rasti më i madh i mashtrimit në historinë e Shteteve të Bashkuara që përfshin amerikanët e moshuar, duke ngritur akuza ndaj më shumë se 200 personave. Për dhjetëra të tjerë janë ngritur padi civile.
Prokurori i Përgjithshëm Jeff Sessions tha në një konferencë shtypi në Uashington se të pandehurit, përfshirë shumë shtetas të huaj, akuzohen se kanë mashtruar 1 milion amerikanë të moshuar duke u marrë më shumë se 1 miliardë dollarë.
"Ky është një krim i neveritshëm", tha zoti Session. "Ata janë lloji i njerëzve ndaj të cilëve duhet të jemi të efektshëm, duke i vendosur nën shënjestër", tha ai.
Sipas departamentit të Drejtësisë çdo vit, miliona amerikanëve të moshuar u vidhen ose u merren nëpërmjet mashtrimit rreth 3 miliardë dollarë.
"Ky është një problem serioz dhe në rritje" tha zëvendës drejtori i FBI-së David Bowdich.
-
SHBA-ja padit 80 persona për mashtrime në internet
-
Autoritetet zbulojnë një milion dokumente të tjera që mund të lidhen me rastin Epstein
-
Amerikanët vitin e kaluar humbën 5.6 miliardë dollarë nga mashtrimet me kriptovaluta
-
Trump për vendimin e gjykatës: Gjithçka u bë nga Bideni dhe njerëzit e tij
-
Hong Kongu arreston 7 persona të lidhur me pastrimin e 1,8 miliardë dollarëve