Një tunel i madh që çon nga Tijuana në Meksikë deri te një depo në San Diego të SHBA-së është zbuluar nga autoritetet amerikane, raporton BBC.
Gjatësia e tunelit është 531 metra, ndërsa është me shina të hekurudhës, elektricitet dhe sistem ventilimi.
Autoritetet amerikane kanë përcjellë pronën dhe pas një bastisje e kanë zbuluar tunelin.
Po ashtu është konfiskuar sasi e madhe e kokainës, metamfetaminës dhe heroinës.
Gjashtë persona janë arrestuar me akuza për trafikim të drogës.
Edhe
Policia spanjolle ka zbuluar një tunel të drogës që lidh Marokun me Spanjën
Zyra e Prokurorit të Përgjithshëm të SHBA-së për Qarkun e Kalifornisë ka thënë se tuneli ishte i thellë 18 metra.
Prokurorët thonë se kanë parë disa vetura duke qarkulluar nga prona në Tijuana për te depoja në San Diego.
U ndaluan dhe u kontrolluan, ndërsa u konfiskua droga dhe u bënë arrestime.
Kur policët hynë në depo, ata zbuluan tunelin.
Zyra e Prokurorit ka njoftuar për konfiskimin e 799 kg kokainë, 74 kg metamfetaminë dhe 1.5 kg heroinë.
Edhe
Do të mbyllet tuneli i fshehtë në kufirin SHBA - Meksikë
Të dyshuarit janë të moshës 31 deri 55 vjet, dhe mund të përballen me burgim të përjetshëm dhe një gjobë deri 1 milion dollar.
Tuneli i fundit ishte zbuluar në Kaliforni në vitin 2020. Ishte 1313 metra i gjatë. Që nga viti 1993, 90 tunele të tilla janë zbuluar.
