Zëdhënësja e Ministrisë së Punëve të Jashtme të Federatës Ruse, Maria Zakharova, ka sulmuar edhe një herë qeverinë e Britanisë së Madhe për “trajtim çnjerëzor” në Ukrainë, shkruan BBC.
Këto akuza vijnë nga zëdhënësja e një vendi që prej më shumë se një viti po kryen agresion të vazhdueshëm ndaj një shteti të njohur ndërkombëtarisht.
Zakharova fajëson më së shumti Britaninë e Madhe për sasitë e mëdha të armëve që ky vend i dërgon ushtrisë ukrainase, të cilat ajo thotë se po dëmtojnë shëndetin e ushtarëve.
“Gjithçka bëhet sipas skenarit jugosllav. Këto predha jo vetëm që vrasin, por edhe ndotin mjedisin”, ka shkruar Zakharova në Telegram.
Ajo ka thënë se në ish-Jugosllavi, për shkak të shëndetit të dobët kanë vuajtur ushtarët e NATO-s, konkretisht italianët, të cilët më pas kanë shkuar në gjykatë për një kohë të gjatë për të marrë dëmshpërblim nga Aleanca për dëmtimin e shëndetit, por pretendimet e tyre janë hedhur poshtë.
Edhe
Zakharova: Perëndimi nuk e ka pasur kurrë në agjendë paqen në Ukrainë
“Kur do të zgjohen në Ukrainë? Nuk po flas për të varurit në rrugën Bankova, por për ata që ende mund të mendojnë. Bamirësit e tyre po i helmojnë”, ka thënë Zakharova.
Ministrja britanike e Mbrojtjes, Annabel Goldie, ka thënë se Londra, së bashku me tanket Challenger 2, do të dërgojë municion në Ukrainë, duke përfshirë predha blinduese që përmbajnë uranium.
