Presidenti i Serbisë, Alleksandar Vuçiq, ka thënë se, sa i përket atij, afera me spiunët rusë në Serbi është mbyllur qysh pas bisedës së tij me ambasadorin rus në Beograd, Alleksandar Bocan-Harçenko.
“Ndërgjegjen e kemi të pastër dhe jam i bindur se do të vazhdojmë të zhvillojmë marrëdhëniet më të mira. Nëse rusët kanë diçka për të shtuar, do të doja t’i dëgjoja”, ka thënë Vuçiqi në Soçi të Rusisë, ku të mërkurën do të takohet me presidentin rus, Vlladimir Putin, transmeton Koha.net.
Vuçiqi, siç raporton agjencia serbe e lajmeve “Beta”, ka shtuar se Serbia “gjithmonë do të mbrojë pavarësinë e saj”, por beson në miqësinë me Rusinë.
Sipas fjalëve të tij, temat e bisedës së tij me Putinin do të jenë Kosova, çështjet rajonale si dhe situata politike në Evropë dhe në botë, sikurse edhe bashkëpunimi bilateral pas nënshkrimit të marrëveshjes mes Serbisë dhe Unionit Ekonomik Euro-aziatik.
-
Vuçiq: Me Putinin do të diskutojmë edhe për Kosovën
-
Vuçiqi takohet me Putinin në Pekin, diskutojnë edhe për Kosovën
-
Vuçiq bisedon me Putinin, i thotë se Serbia s’do t’i vendosë asnjë sanksion Rusisë
-
Vuçiqi takohet me ambasadorin rus, ia konfirmon synimet për ruajtjen e marrëdhënieve me Rusinë
-
Vuçiqi me ambasadorin rus bisedon për situatën në Kosovë