Ministri i Brendshëm i Çekisë, Vit Rakushan, në konferencë për media ka thënë se zyrtarët policorë janë duke hetuar teorinë se vrasësi i të enjtes ishte përgjegjës për vrasjen e dy personave javën e kaluar në pyllin Klanovicky në afërsi të Pragës, raporton “BBC”.
Besohet se vrasësi – që nuk kishte dosje penale – kishte zgjedhur rastësishëm viktimat.
Zyrtarët thonë se 14 persona janë qëlluar për vdekje nga sulmuesi në Pragë të enjten në Universitetin Charles. Po ashtu edhe sulmuesi u vra, ndërsa ishte gjetur në shtëpi i vrarë më herët edhe babai i sulmuesit.
25 persona janë lënduar, prej tyre dhjetë rëndë.
Sulmuesi David K. ishte nga një fshat rreth 20 kilometra nga Praga.
“Tragjedia është e thellë, tragjedia sigurisht se do të ketë shumë më tepër pasoja në atmosferën në shkollë, për të dashurit e tij, për ata që u evakuuan nga ndërtesa dhe ata që ishin dëshmitarë të ngjarjes tragjike”, ka thënë Rakushan, i cili ka thënë se Çekia kurrë në histori të saj nuk ka përjetuar një ngjarje të tillë.
Rakushan po ashtu tha se sasi e madhe e armëve është gjetur brenda universitetit.
Edhe
Vrasësi në Çeki la një letër para vetëvrasjes, rrëfeu se kishte vrarë një foshnjë në pyll
“Kanë mundur të jenë dukshëm më tepër viktima po të mos ishte reagimi i shpejt policor”, ka thënë Rakushan.
LEXO EDHE:
