Tre gjermanë janë arrestuar në Paraguai në lidhje me vrasjen e një arkeologu dhe vajzës së tij adoleshente.
Policia beson se krimi lidhej me vjedhjen e violinave të rralla Stradivarius.
Trupat e Bernard von Bredow, 62 vjeç, dhe vajzës së tij Loreena, 14 vjeç, u gjetën me plagë me armë zjarri më 22 tetor në shtëpinë e tyre. Policia tha se shtëpia ishte plaçkitur gjatë sulmit.
Von Bredow u zbulua i shtrirë në një tavolinë me një plagë me armë zjarri në kokë dhe policia tha se kishte prova se ai ishte torturuar. Vajza e tij u gjet e shtrirë në tualet dhe ishte qëlluar në stomak.
"Për të kryer krimin dhe një vrasje kaq brutale duket se ata i njihnin viktimat. Ne kemi gjetur shumë prova," tha Prokurorja e Përgjithshme Lorena Ledesma.
Vrasjet dukej se kishin lidhje me vjedhjen e violinave të Stradivarius, tha ajo, raporton BBC.
Edhe
Violina jashtëzakonisht e rrallë e Stradivarit del në ankand për 11 milionë dollarë
Antonio Stradivari konsiderohet si mjeshtri më i dalluar i violinës. Ai bëri mbi 1000 violina, viola dhe violonçela. Rreth 650 besohet se kanë mbijetuar. Një nga violinat e tij u shit për një rekord prej 9.8 milionë funte në vitin 2011.
Von Bredow njihej në Evropë si një restaurues ekspert i instrumenteve muzikore.
-
Prokuroria publikon detajet e vrasjes së 14-vjeçares për të cilën akuzohet këngëtari D4vd
-
14-vjeçarja për vrasjen e të cilës akuzohet D4vd ka vdekur nga plagët me mjet të mprehtë
-
Arrestohet këngëtari amerikan D4vd, dyshohet për vrasjen e një adoleshenteje
-
Njëri nga të arrestuarit për grabitjen në Luvër është ish-roje sigurie në një muze