Kanë kaluar dy muaj që kur iu nënshtrua administrimit të vaksinës kundër koronavirusit dhe virologia Elisabbetta Groppelli, studiuese në St.George të Londrës, thotë se ndihet shumë mirë dhe nuk ka pasur “asnjë efekt të rëndësishëm anësor”.
Groppelli është një ndër të parët që e kanë provuar vaksinën dhe përgjatë kësaj periudhe, nuk ka përjetuar shqetësime të mëdha.
“Disa prej nesh kanë pasur dhimbje në zonën e injeksionit, lodhje dhe temperaturë të lehtë, por të gjithë këto janë reaksione normale”, shprehet ajo.
Vaksina po hyn këto ditë në fazën e tretë dhe të fundit që është eksperimentimi tek njeriu. Virologia shton megjithatë se është ende shumë shpejt për të vlerësuar efektet përfundimtare të saj.
“Nuk jemi ende të sigurt nëse ky reagim imunitar i përfituar është në gjendje të mbrojë nga sëmundja: për momentin, qarkullimi i virusit është reduktuar shumë dhe nuk e dimë nëse vullnetarët nuk janë infektuar sepse kanë arritur të krijojnë imunitet apo sepse nuk kanë rënë në kontakt me sëmundjen”, është shprehur ajo./Tch/
-
Vaksina anti-COVID mund t’ju ketë lënë me pasoja, por ju ka ofruar mbrojtje
-
Sa kohë pas vaksinimit mund të shfaqen efektet anësore
-
Shkencëtarja britanike pret pak efekte anësore të vaksinës së COVID
-
Sprovat që po e shoqërojnë zhvillimin e vaksinës anti-COVID
-
Vaksina eksperimentale e Kinës për COVID-19 po duket e sigurt