Venezuela goditet nga dy tërmete të fuqishme, besohet për numër të madh të viktimave

Të paktën 188 të vdekur nga tërmetet në Venezuelë

Numri i vdekjeve si pasojë e dy tërmeteve të fuqishme që kanë goditur Venezuelën, ka shkuar në të paktën 188.

1520 të tjerë janë lënduar e 200 janë ende nën rrënoja, ka bërë të ditur kryeparlamentari Jorge Rodriguez.

Të paktën 3000 familje kanë humbur shtëpitë e tyre nga tërmetet.

Venezuela u godit të mërkurën, sipas kohës lokale atje, nga dy tërmete të fuqishme me magnitudë 7.2 dhe 7.5 shkallë të Rihteerit.

Shkon në të paktën 164 numri i të vdekurve nga tërmetet në Venezuelë

Photo: Associated Press

Ka shkuar në të paktën 164 numri i të vdekurve nga dy tërmete të njëpasnjëshme të fuqishme që kanë goditur Venezuelën, ka njoftuar presidentja në detyrë e vendit, Delcy Rodríguez.

Në kryeqytetin Karakas, ekipet e shpëtimit po kërkojnë nëpër rrënoja dhe njerëzit janë dëgjuar duke kërkuar ndihmë.

Më parë, Rodriguez ka thënë se shteti më i prekur është La Guaira, në veri të Karakasit, ku "dhjetëra" ndërtesa janë shembur.

Tërmetet, me magnitudë 7.2 dhe 7.5, kanë goditur me një minutë diferencë. I dyti ishte më i forti që ka goditur Venezuelën që nga viti 1900.

Studimi Gjeologjik i SHBA-së thotë se numri i të vdekurve mund të shkojë në mijëra.  

“Ishte si një film horror” – Banorët i përshkruajnë skenat pas tërmeteve vdekjeprurëse në Venezuelë

Foto: AFP

Dy tërmete të fuqishme kanë goditur Venezuelën të mërkurën, duke lënë të vdekur të paktën 32 persona dhe të lënduar 700 të tjerë, pasi dhjetëra ndërtesa u shembën në dhe përreth kryeqytetit Karakas.

Një tërmet me magnitudë 7.2 ka goditur rreth 160 km në perëndim të Karakasit, i ndjekur më pak se një minutë më vonë nga një dridhje me magnitudë 7.5, sipas Shërbimit Gjeologjik të SHBA-së (USGS).

USGS-ja ka thënë se ka shumë të ngjarë që numri i të vdekurve të arrijë në mijëra, me një probabilitet të konsiderueshëm për të tejkaluar 10,000.

Videopamjet treguan punonjës të emergjencës duke u kacavjerdhur mbi rrënojat e një ndërtese të shembur në kryeqytet ndërsa binte nata, ndërsa të afërmit e shqetësuar kërkonin ndihmë për të dashurit që besohej se ishin bllokuar. 

"Kur zbritëm poshtë, skena ishte si një film horror", ka thënë Maria Alejandra, një banore nga një ndërtesë aty pranë.

"Na u desh të ngjiteshim mbi rrënojat dhe gjithçka. Mbikëqyrësi i ndërtesës me foshnjën dhe të gjithë fqinjët që zbrisnin. Por nga ajo ndërtesë, pashë vetëm që një familje doli jashtë”, ka shtuar ajo.

Presidentja e përkohshme, Delcy Rodriguez, ka thënë se shifrat fillestare të viktimave nuk përfshijnë ata nga shteti La Guaira i prekur më keq, pranë Karakasit dhe ku ndodhet aeroporti i qytetit, i cili është mbyllur.

"Dhjetëra ndërtesa janë shembur dhe aktualisht po kryejmë përpjekje shumë intensive shpëtimi për të shpëtuar sa më shumë jetë që Zoti na lejon të shpëtojmë", ka thënë ajo në një paraqitje në televizionin shtetëror pak para orës 1 të mëngjesit sipas orës lokale të enjten.

Një faqe interneti e krijuar për të gjurmuar njerëzit e zhdukur dhe e postuar në X nga udhëheqës të opozitës së vendit, shumë prej të cilëve janë jashtë vendit, ka listuar më shumë se 6,600 persona të listuar si të zhdukur menjëherë pas orës 2 të mëngjesit sipas kohës lokale. 

Dy tërmete të fuqishme në Venezuelë, numri i të vdekurve mund të arrijë në 10 mijë

Photo: Associated Press

Të paktën 32 persona kanë mbetur të vdekur dhe 700 të lënduar nga dy tërmete të njëpasnjëshme që kanë ndodhur të mërkurën pasdite në Venezuelë, ka bërë të ditur presidentja në detyrë, Delcy Rodriguez.

Studimi Gjeologjik i SHBA-së më parë ka llogaritur një shans prej 44% për më shumë se 10,000 viktima dhe një shans prej 30% për më shumë se 100.000.

Ekipet e shpëtimit në kryeqytet po kërkojnë nëpër rrënoja për të mbijetuar dhe njerëzit janë dëgjuar duke kërkuar ndihmë.

Ndërtesat janë pa energji elektrike dhe sistemi i metrosë është plotësisht i mbyllur, raporton BBC.

Tërmetet, të cilat kishin magnitudë 7.2 dhe 7.5, goditën një zonë në perëndim të kryeqytetit dhe janë ndierë deri në Bogota, Kolumbi.

Venezuela po festonte një festë kombëtare dhe shumë njerëz ishin në shtëpi kur tërmetet goditën në orën 18:04 sipas kohës lokale.