Në nëntor të 2019-s, një stuhi e kishte përmbytur Venecian me gati dy metra ujë dhe erëra aq të forta sa grisën pllakat e plumbit nga Bazilika e Shën Markut.
Po konsiderohet si paralajmërim për ndryshim klimatik.
Këtë vit, Bazilika e Shën Markut është mbuluar nga uji pesë herë gjatë muajit të qetë të gushtit, shenjë kjo se po rritet ndikimi i sistemit të motit.
Topografia unike e Venecies, e ndërtuar në grumbuj trungjesh mes kanalesh, e ka bërë të ndjeshme posaçërisht ndaj ndryshimit klimatik.
Rritja e nivelit të detit rrit shpeshtësinë e baticave të larta që përmbytin qytetin lagunor 1600-vjeçar, që gjithashtu është në rrezik të vazhdueshëm për fundosje.
Edhe
Barrikada kundër përmbytjeve në Venecia
Në “Caffé Lavena” në Sheshin e Shën Markut, pengesat kundër përmbytjeve janë të vendosura pothuajse tërë kohën.
Kamerierët mbathin çizme gome dhe të shtyjnë ujin nga dyshemetë për të shpëtuar nga kripa gërryese.
Pronari Annapaola Lavena e konsideron turizmin si katalizator zhvillimi për Venecien.
“Ne jetojmë me këtë acqua alta dhe mund ta vëreni jorehatinë. Acqua alta është fenomen që po rritet çdo herë e më shumë. I bllokon të gjitha bizneset. Venecia rron falë zejtarisë dhe turizmit. Nëse nuk ka turizëm, Venecia vdes. Kështu që kemi përgjegjësi të madhe për ta shpëtuar, mirëpo po vuajmë shumë”.
E vendosur në një nga pikat më të ulëta të Venecies, Bazilika e Shën Markut ofron një pozitë unike për ta monitoruar ndikimin e ngritjes së detit në qytetin lagunor.
Prokuratori i Parë i bazilikës ka folur për gjendjen e krijuar.
Edhe
Franca lidh rritjen e mbytjeve në vend me valët e të nxehtit
“Kushtet veç po vazhdojnë të përkeqësohen (që nga përmbytjet në nëntor të 2019-s). Prandaj jemi të sigurt se gjatë këtyre muajve, përmbytjet nuk janë fenomen i rastit. Por janë ndodhi të përditshme. Kështu që, brenda Sheshit të Shën Markut dhe përreth tij e kemi situatën e ‘acqua alta’, që mund të ketë qenë rastësore në të kaluarën, por tani është bërë sistematike”.
Tani mbrojtja e Venecias i është besuar sistemit MOSE që ka pengesa të lëvizshme nën ujë, të cilat aktivizohen kurdo që përmbytjet mbi 1.3 metra janë të pashmangshme.
