Ivana Trump, ish-bashkëshortja e ish-presidentit Donald Trump, vdiq të enjten, raportoi mediumi amerikan “WABC”.
Ajo vdiq në moshën 73-vjeçare, në apartamentin e saj në Manhattan.
Vdekja e saj thuhet se "ishte natyrale", derisa familja e saj lëshoi njoftim për vdekjen.
“Me pikëllim të thellë njoftojmë ndarjen nga jeta të nënës sonë të dashur, Ivana Trump. Nëna jonë ishte një grua e jashtëzakonshme -- një forcë në biznes, një atlete e klasit botëror, një bukuri rrezatuese dhe nënë dhe mike e kujdesshme. Ivana Trump ishte një e mbijetuar. Ajo iku nga komunizmi dhe përqafoi këtë vend”, thuhet në njoftim.
Ivana Trump u martua me Donald Trumpin në vitin 1977 dhe mbajti poste kryesore menaxheriale në Organizatën Trump.
Martesa e tyre e trazuar dhe divorci u bënë objekt i interesit publik mbarëbotëror, pasi lidhja e Donald Trumpit me Marla Maples, që më vonë u bë bashkëshortja e tij, u bë publike, e ndarja u finalizua në vitin 1992.
Edhe
Vdiq senatori amerikan, Lindsey Graham
Pas divorcit, Ivana zhvilloi linjat e saj të veshjeve, bizhuterive dhe produkteve të bukurisë.
Është autore e disa librave, ndër to “Raising Trump”.
