Varreza masive janë gjetur në një fshat afër Mariupolit, raportoi SkyNews të enjten.
Kryetari i qytetit, Vadym Boichenko, ka thënë se janë zbuluar llogore në fshatin Manhush në rajonin e Donetskut dhe ka thënë se forcat ruse kanë mbledhur trupat nëpër kamionë dhe i kanë braktisur aty.
Ai shtoi se ushtarët rusë “po pastrojnë krimet e tyre”.
“Kjo është java e dytë me radhë në mbyllje të plotë. Askush nuk lejohet të hyjë. Ata po pastrojnë vendin. Ata po fshehin krimet e kryera nga Federata Ruse në Mariupol”, ka thënë ai.
Shtoi se sipas llogaritjeve të tyre mbi 20,000 civilë janë vrarë nga sulmet e armikut.
Boichenko tha se rusët po fshehin krimet e luftës që po i kryejnë, duke shtuar se ka raste ku civilët janë “torturuar dhe keqtrajtuar”.
Artikuj të ngjashëm
-
Në Mariupol, të vrarët po varrosen pa u identifikuar
-
Zbulohet varrezë e re masive afër Mariupolit
-
Varreza masive në Mariupol, dyshohet se janë varrosur 9 mijë civilë
-
Dyshohet se rusët po zhvarrosin trupat në Mariupol për t’ua humbur gjurmët
-
Zbulohen trupat e dhjetëra civilëve në një varr masiv në afërsi të Kievit