Vandalët kanë sulmuar varrin e Mahsa Aminit, vajza, vdekja e së cilës shkaktoi protesta antiqeveritare në të gjithë Iranin.
Fotografi nga familja e saj kanë treguar xham të thyer mbi varrin e saj dhe portreti po ashtu i dëmtuar.
Vëllai i saj ka thënë se është sulmi i dytë në muajt e fundit.
“Edhe xhami i varrit tënd u pengon atyre”, ka shkruar Ashkan Amini, raportoi BBC.
Mahsa vdiq në spital në Teheran më 16 shtator, tri ditë pasi u mor nga policia e moralit me pretendimin se kishte shkelur rregullat që kërkohen për gratë që të mbulojnë kokën me shami.
Edhe
Më shumë gra në Iran shihen pa hixhabe që nga vdekja e Mahsa Aminit
Dëshmitarët kanë thënë se 22-vjeçarja ishte rrahur sa kishte qenë në mbajtje, por autoritetet e kanë mohuar këtë, duke thënë se kishte vdekur nga problemet me zemër.
Që atëherë, protesta mbarëkombëtare kanë shpërthyer në Iran duke çuar në qindra të vdekur dhe mijëra të burgosur.
