Zëvendëskryeministrja e Ukrainës, Iryna Vereshchuk, ka thënë se 30 të burgosur ukrainas të luftës po kthehen të enjten si pjesë e një shkëmbimi me Rusinë, raportoi AFP.
“Pesë oficerë dhe 17 ushtarakë u shkëmbyen. Po ashtu, tetë civilë, përfshirë një grua, u liruan. Në total, 30 nga qytetarët tanë u liruan”, ka thënë ajo.
Më herët, Ministria ukrainase e Mbrojtjes ka thënë se dy pilotë ushtarakë, Ivan Pepelyashko dhe Oleksiy Chyzh, të cilët ishin zënë në rajonin e Cherigivit dhe u mbajtën në Rusi, u liruan.
Nuk ishte e qartë nëse pilotët ishin pjesë e shkëmbimit të lajmëruar nga Vereshchuk.
Deklarata nga ministria citonte Chyzhin që tha se të dy burrat ishin subjekt i marrjes së ashpër në pyetje dhe se ia mohuan trajtimin mjekësor derisa po mbaheshin.
