Forcat ruse goditën një stacion zjarri në qytetin jugor të Ukrainës Kherson në një sulm që la disa të vdekur e të plagosur, ka bërë të ditur një zyrtar i lartë ukrainas, pavarësisht deklaratës së njëanshme të Moskës për një armëpushim 36-orësh.
“Ata flasin për një armëpushim. Me këtë jemi në luftë”, ka thënë Kyrylo Tymoshenko, nënkryetari i zyrës së presidentit ukrainas.
AFP-ja raportoi se ministria ruse e Mbrojtjes tha se po respektonte armëpushimin e njëanshëm dhe akuzoi forcat e Ukrainës për bombardime të vazhdueshme.
Urdhri i përkohshëm i armëpushimit të Putinit erdhi pas thirrjeve për armëpushim nga presidenti turk, Recep Tayyip Erdoğan, dhe lideri shpirtëror i Rusisë, Patriarku Kirill, një mbështetës i vendosur i Putinit.
Artikuj të ngjashëm