Një alarm për sulm ajror është lëshuar në të gjithë Ukrainën, pasi një valë e re e raketave ruse ka shënjestruar disa qytete.
Këshilltari presidencial Oleksiy Arestovych shkroi në rrjetet sociale se më shumë se 100 raketa ishin lëshuar drejt qyteteve të Ukrainës në "disa valë", raportoi BBC.
Të paktën dy shpërthime u dëgjuan në Kiev, por ishte e paqartë nëse ato ishin shkaktuar nga sulmet me raketa apo nga mbrojtja ajrore.
Shpërthime u dëgjuan edhe në qytetet Kharkiv, Odesa dhe Zhytomyr.
Dhjetëra sulme ruse kanë goditur Ukrainën në javët e fundit, duke shkaktuar ndërprerje të përsëritura të energjisë në të gjithë vendin.
