Ukraina pretendon se ka vrarë mbi 17 mijë ushtarë rusë

Ukraina pretendon se Rusia ka humbur 17.700 trupa ushtarake që nga fillimi i pushtimit, më 24 shkurt.

Sipas një përditësimi të publikuar të premten, Ministria e Punëve të Jashtme e Ukrainës ka bërë të ditur po ashtu se numri i veturave ushtarake ruse të shkatërruara është 1.751, raporton Sky News.

Pajisje të tjera ushtarake ruse të cilat janë shkatërruar sipas Ukrainës, janë 131 helikopterë, 625 tanke dhe 143 avionë.

Ndërkohë, Rusia ka deklaruar javën e kaluar se 1,351 trupa të saj ushtarake janë vrarë nga luftimet në Ukrainë.