Presidenti i Shteteve të Bashkuara të Amerikës, Donald Trump, ka thënë që tarifa ndaj mallrave prej Meksikës do të pezullohet deri më 2 prill.
Ai nuk ka bërë të ditur nëse masa vlen edhe për Kanadanë, por Sekretari i Tregtisë, Howard Lutnick, ka njoftuar të enjten se shpreson që ajo të vlejë për të dy fqinjët e SHBA-së.
Vendimi i Trumpit u mor pas bisedës që pati me presidenten e Meksikës, Claudia Sheinbaum.
Ai ka thënë se këtë e ka bërë për hir të respektit për Sheinbaumin.
Në anën tjetër, Sheinbaum e ka cilësuar të shkëlqyeshme bisedën telefonike me Trumpin.
Edhe
Trumpi pezullon edhe për 90 ditë vendimin për të vendosur tarifa të larta ndaj Meksikës
Tarifa ishte prej 25 për qind në shumicën e mallrave që vinin nga Meksika. Është hera e dytë që shtyhet masa, prej fillimit të muajit shkurt.
Trumpi i ka vënë tarifa edhe produkteve nga Kanadaja në të njëjtën shkallë, ndërsa i ka shtuar 10 për qind tarifës ndaj Kinës.
