Trumpi përjashton përdorimin e forcës për ta marrë Grenlandën, thërret negociata

Në fjalimin e tij disa minutësh në Forumin Ekonomik në Davos të mërkurën, Trumpi ka përjashtuar përdorimin e forcës për të marrë Grenlandën. 

"Nuk do të marrim asgjë. Vetëm nëse vendosi të përdor forcë të tepruar, do të ishim të pandalshëm. Por nuk do ta bëjmë këtë”, ka deklaruar Trumpi. 

“Kjo është ndoshta deklarata më e rëndësishme që kam bërë, sepse njerëzit menduan se do të përdorja forcë. Nuk kam pse të përdor forcë. Nuk dua të përdor forcë. Nuk do të përdor forcë”, ka deklaruar ai.

"E tëra çfarë kërkon SHBA-ja", ka shtuar ai më pas, është "një vend i quajtur Grenlandë". 

Ai madje ka bërë thirrje për “negociata të menjëhershme” me aleatët evropianë për të negociuar një blerje të mundshme të Grenlandës nga SHBA-ja.