Tri gratë që janë bashkuar kundër diktatorit të fundit në Europë

Këto janë tre gratë që kanë bashkuar forcat kundër udhëheqësit të Bjellorusisë, Aleksandër Lukashenko, i cili ka qëndruar në pushtet për 26 vite.

Tre gratë janë kthyer në simbol të opozitës, ndërkohë që zgjedhjet priten të mbahen më 9 gusht.

Svjetlana Tikanovskaja është gruaja e blogerit të njohur, Sergei Tikanovski, i cili nuk mundi ta vazhdonte kandidimin në zgjedhje pasi u arrestua në mars, me akuzën se kishte sulmuar një polic. Svjetlana po kandidon në vendin e tij.

Pasi mori certifikatën e regjistrimit në zgjedhje, 37-vjeçarja qëndroi para KQZ-së së Bjellorusisë dhe i drejtoi këtë mesazh të shoqit: “Seryozha, të dua shumë. Po e bëj vetëm për ty dhe për njerëzit që të ndoqën e që patën besim te ti,” transmeton euronews.

Dy kandidate të tjera të cilat nuk janë lejuar të marrin pjesë në zgjedhje i janë bashkuar Svetlanës për mbështetje.

Edhe Arbëri 6 muaj më parë Opozitarja bjelloruse merr shembullin e Kosovës për liri e prosperitet

Veronika Cepkalo është gruaja e Valeri Cepkalos, i cili u largua nga Bjellorusia për në Moskë, nga frika s emos arrestohej pasi iu hoq e drejta për të marrë pjesë në zgjedhje.

Ndërsa Maria Kolesnikova është përfshirë në fushatën e Viktor Babarikos, të cilit nuk iu lejua kandidimi pasi u akuzua për ryshfet.