Një avion me tre persona në bord është rrëzuar mëngjesin e së shtunës në një terren të pjerrët në malet e kantonit Neuchatel. Piloti dhe dy pasagjerë kanë vdekur në vendngjarje, raporton transmetuesi lokal RTN.
Aksidenti ndodhi rreth orës 10:20 të mëngjesit të së shtunës në një pyll të quajtur La Combe Dernier në Ponts-de-Martel. Piloti dhe dy pasagjerët e vetëm vdiqën në vendin e përplasjes, ka thënë policia kantonale.
Avioni, i regjistruar në Zvicër, u ngrit në mëngjes nga aeroporti La Chaux-de-Fonds dhe ishte në një fluturim turistik.
Zona është e mbyllur përkohësisht për publikun. Autoritetet kanë nisur hetimet për zbardhjen e shkaqeve dhe rrethanave të aksidentit.