Për pesë muaj që kur u shfaq koronavirusi në Brazil, janë infektuar mbi tre milionë banorë, derisa 100.000 kanë vdekur.
Vetëm të shtunë u raportuan 49.970 raste të reja pozitive me COVID-19 në vendin me 210 milionë banorë, kurse vdiqën 905 persona, ka bërë të ditur Ministria e Shëndetësisë e këtij vendi.
Gjykata e Lartë dhe Kongresi, institucione që po e kritikojnë presidentin e vendit Jair Bolsonaro për mënyrën se si p e menaxhon pandeminë, kanë shpallur tri ditë zie për 100 mijë personat e vdekur si pasojë e COVID-19.
Presidenti Bolsonaro nuk e ka komentuar këtë, ndoshta edhe pse ishte i zënë të shtunën me një festë.
Ai u pa me fanellë të skuadrës së tij të dashur Palmeiras, duke e festuar titullin e Brazilit.
Palmeirasi u shpall kampione pak kohë pasi Ministria e Shëndetësisë njoftoi se numri i të vdekurve ka kaluar 100-mijëshin.
Të enjten, Bolsonaro foli shkurt për të pandeminë.
Edhe
Presidenti që nuk do t’ia dijë për koronavirusin, nxitë zemërim sërish
“Më vjen keq për të gjithë që kanë vdekur. Numri i të vdekurve ka shkuar në 100.000, por ne do të vazhdojmë të jetojmë dhe të gjejmë mënyra se si të heqim qafe këtë problem”, tha ai, duke shtuar se numri i lartë i të infektuarve është rezultat i diagnostikimit të gabuar.
Bolsonaro në vazhdimësi është kritikuar për menaxhimin, pasi e ka shpërfillur rrezikun që sjell COVID-19 dhe ka refuzuar të marrë masa mbrojtëse për parandalim të kësaj sëmundje.
Edhe vetë Bolsonaro ishte i prekur me koronavirus.
