Një tërmet me magnitudë 5.5 në Rimini të Italisë është ndjerë në të gjithë Italinë qendrore dhe disa pjesë të Ballkanit.
Shtëpitë u tronditën për disa sekonda në bregdetin e Adriatikut dhe pati raportime për dëme të vogla, por jo viktima, raportoi BBC.
Shkollat u mbyllën në pjesë të rajonit qendror Marche dhe trenat u ndaluan rreth qytetit të Anconas për shkak të dyshimeve për dëmtime të trasesë.
Zyrtarët italianë thanë se tërmeti ishte 8 km në thellësi.
Është ndjerë në Romë në perëndim dhe Bolonja në verilindje si dhe përtej Adriatikut në Slloveni, Kroaci dhe Bosnje-Hercegovinë.
Lëkundjet e para dhe më të forta u regjistruan në orët e mëngjesit dhe u pasuan nga një numër goditjesh më të vogla.
