Me 86 ditë të mbetura nga viti 2022, qyteti më i madh i Australisë, Sydney, ka thyer rekordin e tij vjetor të reshjeve.
Qyteti ka marrë më shumë se 2200 mm reshje që nga janari, njoftoi agjencia e motit në Australi.
Përmbytjet e përhapura në të gjithë Australinë, të nxitura nga një model moti në La Nina, kanë vrarë tashmë më shumë se 20 njerëz këtë vit, shkruan BBC-ja të enjten.
Njerëzit në Sydney janë paralajmëruar për rreziqet e menjëhershme të përmbytjeve dhe për t’u përgatitur për një verë tjetër të lagësht.
“Ne kemi parë shumë shi në Sydney sot, por vetëm do të përkeqësohet”, tha të enjten ministri i Shërbimeve të Emergjencave të Uellsit të Ri Jugor, Steph Cooke.
Rekordi i mëparshëm i reshjeve të Sydney prej 2.194mm u vendos në vitin 1950.
Edhe
Australia përvëlohet nga nxehtësia, temperaturat drejt rekordit historik
Më shumë shira dhe stuhi parashikohen në ditët në vijim, por ujëmbledhësit janë mbushur, digat janë plotë dhe lumenjtë tashmë janë fryrë, tha Byroja e Meteorologjisë.
Kjo do të thotë se shumë zona janë të përgatitura për përmbytje të shpejta.
“Mesazhi ynë për komunitetin në ditët në vijim është të fillojnë përgatitjen”, tha parashikuesi i motit, Gabrielle Woodhouse. “[Kjo përmbytje] duket sikur do të jetë më domethënëse se ajo që kemi parë gjatë 12 muajve të fundit”.
