Audrey Hale 28-vjeçare, e cila vrau të hënën në një shkollë në Nashville të SHBA-së tre fëmijë dhe tre të rritur para se të vritej nga policia, kishte blerë shtatë armë në mënyrë të ligjshme në pesë shitore të ndryshme.
Shefi i Policisë së Nashvillet, John Drake, ka thënë se familje e Halet, ka treguar se ajo ishte në tretman “për çrregullime emocionale”.
“Prindërit e saj thonë se ajo nuk duhej të kishte në pronë armë. Ajo kishte fshehur disa armë në shtëpi”, ka thënë Drake.
Hale nuk kishte qenë e njohur për policinë më herët.
Policia nuk di motivet prapa sulmit.
Hale ishte futur në një shkollë të krishtere në Nashville, duke vrarë tre fëmijë të moshës 9-vjeçare dhe tre të rritur të moshave rreth 60-vjeçare.
Drake ka thënë se Hale ka mundur të ketë bërë stërvitje në qitje.
“Ajo ishte në një nivel tjetër, besoj se kishte një stërvitje të nivelit më të lartë. Nga videoja që kemi parë, ajo u largua nga xhami që të mos ishte shënjestër e lehtë”, tha Drake.
Presidenti i SHBA-së, Joe Biden, i ka ripërsëritur thirrjet që Kongresi të marrë masa në lidhje me legjislacionin për armët.
