Një numër ukrainasish janë plagosur dhe disa supozohet se kanë vdekur, pasi Rusia nisi një sulm me raketa në fshatin Desna pranë Chernihivit, ka thënë guvernatori i qytetit.
Në një video të publikuar në Facebook, Viacheslav Chaus pretendon se Rusia lëshoi katër raketa rreth orës 05:00, sipas kohës lokale.
“Kemi të vdekur dhe shumë të plagosur”, tha ai, shkruan BBC-ja të martën.
Dy nga raketat goditën ndërtesat në fshat, vazhdoi Chaus, pa sqaruar nëse këto ishin objekte banimi apo industriale.
Ekipet e shpëtimit dhe oficerët e zbatimit të ligjit po punojnë për të gjetur trupat e atyre që u goditën në sulm.
Desna, një qytet i vogël, është shtëpia e Qendrës së Trajnimit 169 e ushtrisë ukrainase.
Artikuj të ngjashëm