Sulm me armë në Holandë, mbesin disa të vrarë

Disa persona kanë mbetur të vrarë pas disa të shtënash me armë zjarri në Rotterdam të Holandës, ka raportuar BBC-ja të enjten.

Të paktën një person shkaktoi të shtëna në një banesë private e më pas në një qendër shëndetësore pranë lokalitetit.

Autoritetet policore kanë dalë në vendin e ngjarjes dhe i janë vënë në ndjekje sulmuesit.

Ai dyshohet se është 32-vjeçar, ndërsa motivi i sulmeve ende s’dihet. Është thënë se i dyshuari ishte i veshur me rroba ushtarake, por ende s’ka konfirmim zyrtar.